Ferðaþjónusta og kaffihús til sölu sömu eigendur. - Lýsing

Félögin seljast saman eða í sitthvorulagi. 

Simply the West (Einfaldlega Vesturland) var stofnað árið 2023 með því markmiði að opna afþreygingartengda ferðaþjónustu.

Árið 2024 fengu þau hús leigt á Hellnum í Snæfellsbæ sem óformlega er kallað Simply Camp. Ákveðið var að opna þar tvískiptan rekstur, ferðaþjónustu með fjorhjólaferðir ofl. og kaffihús. Stofnaður var sér rekstur/kennitala fyrir Simply Café (Mas Café). 

Bæði fyrirtækin opnuðu starfsemi sína um miðjan júní árið 2024.  Starfsfólk fyrirtækjanna hefur meira og minna verið fjölskyldur eigenda og má því segja að þetta er sannkallaður fjölskyldurekstur tveggja fjölskyldna.

 Nánar um Simply the West:

STW er með 10 fjórhjól og býður uppá einstakar ferðir uppá jökulháls á Snæfellsjökli með leiðsögumanni. STW hefur eingöngu hlotið 5 stjörnu umsagnir um ferðirnar. Ferðirnar okkar eru líka í sölu hjá markaðstorgum í ferðaþjónustu (OTA), svo sem Bókun, Guide to Iceland, Get your Guide, Tourdesk ofl. STW tekur bæði við einstaklingsbókunum og hópabókunum, bæði beint á okkar síðu, markaðstorgum og í gegnum ferðaskrifstofur. Við höfum verið í samstarfi við margar af stærstu ferðaþjónustufyrirtækjum á Íslandi, m.a. Discover True North, Private Tours Iceland, Nordic Visitor, Terra Nova, Iceland Tours o.m.fl. 

STW eru sérfræðingar í Vesturlandi og á heimasíðunni er einnig hægt að bóka ferðir hjá öðrum aðilum á Vesturlandi. Simply the West er hlið ferðamannsins að Vesturlandi. Árið 2025 opnaði Simply the West einnig litla gjafavöruverslun með m.a. ýmsu íslensku handverki frá smáframleiðendum og útivistarvörum frá GG sport. Salan í fjórhjólaferðum hefur margfaldast á milli ára (um.þb. 800%). Kennitalan og reksturinn eru til sölu, ásamt 10 fjórhjólum, hlífðargöllum, hjálmum ofl. Andvirði hjólanna eftir eins árs notkun er u.þ.b. 1860 þús per hjól. Lager gjafavörubúðarinnar er u.þ.b. andvirði hálfrar milljónar. Lauslega áætlað er andvirði búnaðar og birgða í kringum 22 milljónir. Einu skuldirnar eru lán á fjórhjólum.

 Meira um kaffihúsið:

Simply Café er kaffihús sem er opið á daginn en lokað á kvöldin. Það er með einfaldan matseðil; súpur, samlokur, bakkelsi, kökur og einn fiskrétt. Einnig er í sölu bjór og léttvín en áherslan hefur verið á sölu kaffidrykkja (eru m.a. með sérblandað kaffi hússins sem heitir einfaldlega Simply Coffee) og Simply Café stærir sig af einstökum gæðum tes sem pantað er beint erlendis frá. Kaffihúsið er með einkunnina 4.9/5 í umsögnum á helstu stöðunum, svo sem Google Maps og Tripadvisor. Lögð er áhersla á vinalegt viðmót og fjölskylduvænt umhverfi. Salan á kaffihúsinu hefur ríflega tvöfaldast á milli ára. 

Fyrirtækið er skuldlaust. Kennitalan og reksturinn er til sölu, rekstrinum fylgir allt sem þarf fyrir eldhús, svo sem ísskápar, kæliborð, frystir, ofn, ásamt öllum áhöldum sem þarf. Kaffihúsinu fylgja að sjálfsögðu öll borð, sófar og stólar, diskar, bollar, glös, o.fl. Rekstrinum fylgir því búnaður að andvirði nokkurra milljóna. Ef kaffihúsið er opið þegar salan gengur í gegn þá fylgir allur lager af mat, kaffi, te og áfengi að u.þ.b. andvirði hálfrar milljónar. 

 Samtals hjá báðum fyrirtækjum mætti ætla að einungis búnaður, birgðir og hlutir sem fylgja með séu að andvirði 25-30 Milljóna. 

Aðrar fjárfestingar hafa verið vefsíða, markaðssetning, kostaðar auglýsingar á samfélagsmiðlum og leitarvélum, umsagnir og gott orðspor, samstarfssamningar við endursöluaðila, ferðaskrifstofur og birgja, 24 ára leigusamningur á 835 m2 húsi sem skiptist í kaffihús (veitingasal og eldhús) og bílsskúr, verslun, útisvæði og herbergi sem geta verið innréttuð sem svefnherbergi eða skrifstofur ofl. Gildandi leigusamningur er til 24 ára til viðbótar en húseigandi er reiðubúinn að semja við nýjan eiganda uppá nýtt sé þess óskað. Húsið er allt nýmálað að innan og innréttingar sérsmíðaðar. Á lóðinni sjálfri er búið að deiliskipuleggja hótel sem fer í byggingu innan skamms og á svæðinu hefur verið mikil uppbygging á gistingu og því mikil vaxtatækifæri í boði. Einnig er umferð ferðamanna hlutfallslega að aukast mest á Vesturlandi og árið 2026 er áætlað að verði metár í aðsókn ferðamanna, sér í lagi í ágúst þar sem sólmyrkvinn verður best séður frá Vesturlandi. 

 Alla jafna vinna u.þ.b. 1-2 (leiðsögumenn + skrifstofa) á dag hjá STW og 2-3 (kokkur, afgreiðsla og uppvask) hjá Simply Café. Ekkert starfsfólk mun fylgja með í sölunni þó þar sem starfsmenn eru mest eigendur, makar og börn þeirra. Hins vegar er möguleiki á að semja um aðlögunartíma nýrra eigenda og starfsfólks. 

 Fyrirtækin eru til sölu vegna persónulegra fjölskylduaðstæðna, samstarfið hefur gengið mjög vel í alla staði og fyrirtækin í örum vexti. Við teljum að þetta sé mikil gullnáma fyrir þá sem vilja hasla sér völl í ferðaþjónustu á Íslandi. 

Allar nánari upplýsingar veitir Guðlaugur Magnússon í síma 8211000 eða í tölvupósti gudlaugur@kompani.is